FA_Pogragja 2023_Fin
Publikuar me: 14/05/2025
Shkarko
PUBLIKIME
“Areali i Pogragjës: Koncepti për Zhvillimin dhe Promovimin e Peizazhit Kulturor”
Hulumtimi është rezultat i një bashkëpunimi midis Fakultetit të Arkitekturës të Universitetit të Prishtinës dhe Komunës së Gjilanit, që synon zhvillimin dhe promovimin e peizazhit kulturor të Kalasë së Pogragjës, monument i mbrojtur që daton që nga antikiteti. Hulumtimi propozon një vizion zhvillimor për arealin e Pogragjës, duke respektuar dhe ruajtur karakterin natyror dhe historik të zonës. Zhvillimi i propozuar përfshin ndërtimin e shtigjeve tematike (historike, organike, rekreative, sportive), krijimin e një “hub”-i kulturor në formën e një sheshi qendror, zhvillimin e liqenit për rekreim dhe larje, si dhe mobilimin me infrastrukturë të lehtë për vizitorët. Po ashtu, parashihen elemente për përmirësimin e qasjes, ndriçimit solar, orientimit dhe edukimit kulturor të vizitorëve. E gjithë ndërhyrja synon të krijojë një përvojë të qëndrueshme dhe gjithëpërfshirëse për turizmin lokal dhe ndërkufitar, duke përfshirë edhe komunitetin lokal në proces.