Fakulteti i Arkitekturës pati nderin të mirëpresë një delegacion të përbërë nga emra të njohur botërisht në fushën e arkitekturës, pjesëmarrës të Forumit SHARE Kosova 2025.

Kjo vizitë u veçua me praninë e figurave të shquara ndërkombëtare të praktikës arkitektonike si: Peter Murray, Hakan Agca, Elena Tsolakis, Cezary Bednarski, Harry Dobbs, Evgeny Diderenko, Kateryna Toros dhe Dea Dalipi. Delegacioni u shoqërua nga përfaqësues të Asociacionit të Arkitektëve të Kosovës, duke e bërë këtë ngjarje edhe më domethënëse për komunitetin akademik dhe profesional.

Gjatë vizitës, të pranishmit u njohën nga afër me strategjinë e fakultetit dhe programet aktuale akademike. Ata patën gjithashtu mundësinë të shohin nga afër punimet e studentëve dhe ambientet e fakultetit. Të pranishmit u mirëpritën nga Prof. Asoc. Teuta Jashari Kajtazi, Prodekane për çështje mësimore dhe të studentëve; Prof. Asst. Flaka Xërxa Beqiri, Prodekane për Cilësi dhe Bashkëpunim Ndërkombëtar; dhe Asst. Dashnor Kadiri.

Ky ishte një moment krenarie për të prezantuar kreativitetin dhe përkushtimin e studentëve tanë, punën e palodhshme dhe angazhimin e stafit mësimdhënës, si dhe për të shkëmbyer ide me liderë globalë të fushës së arkitekturës.