Fakulteti i Arkitekturës, Universiteti i Prishtinës, ka kënaqësinë të ndajë me ju një moment të veçantë akademik!

Gjatë qëndrimit të saj në University of Minho, School of Architecture, Art and Design, në kuadër të Programit Erasmus+, Prof. Asoc. Teuta Jashari Kajtazi mbajti një ligjëratë të hapur me temën "Modernizmi në Kosovë". Ligjërata trajtoi periudhën e arkitekturës moderne në Kosovë, me fokus të veçantë në vitet '70 të shekullit XX. Nëpërmjet analizës së strukturave madhore të asaj kohe, u adresuan ndikimet shoqërore, aspektet simbolike dhe identiteti arkitekturor i krijuar në kontekstin e zhvillimeve paralele në Evropë. Ngjarja u shoqërua me diskutime të gshumta  me audiencën, të cilat nxorën në pah këndvështrime të reja mbi zhvillimet arkitektonike të prezantuara, gjithmonë në raport me kontekstin historik dhe kulturor.

Ky aktivitet përfaqëson një tjetër dëshmi të angazhimit ndërkombëtar të stafit tonë akademik dhe promovimit të trashëgimisë sonë arkitekturore në platforma globale.