Me kënaqësi ju njoftojmë se një projekt nga Fakulteti i Arkitekturës është përzgjedhur si një nga 8 projektet fituese të mbështetura nga Programi i Granteve për Mbështetje Universitare, financuar nga Ambasada e SHBA-së në Prishtinë dhe i administruar nga KUSA.

Projekti me titull “Funksionalizimi i QNLT në Fakultetin e Arkitekturës” është koordinuar nga prof. Arta Basha Jakupi dhe përfaqëson një punë të përbashkët me ekipin e përkushtuar të përbërë nga prof. Arta Xhambazi dhe prof. Violeta Nushi. Kjo nismë synon të forcojë kapacitetet kërkimore dhe institucionale, të nxisë inovacionin dhe të kontribuojë në zhvillimin afatgjatë të arsimit të lartë në Kosovë.
 

Jemi shumë mirënjohës për mundësinë dhe për besimin e dhënë nga Ambasada e SHBA-së dhe KUSA. Ky grant na motivon të vazhdojmë me përkushtim në krijimin e një mjedisi akademik më kreativ dhe të qëndrueshëm.