Me kënaqësi dhe krenari të veçantë ju njoftojmë se Fakulteti i Arkitekturës i Universitetit e Prishtinës është pranuar si anëtar i Asociacionit Evropian për Edukim në Arkitekturë (EAAE) – rrjeti më i rëndësishëm evropian i institucioneve akademike të arkitekturës.

Ky anëtarësim shënon një hap të madh përpara për Fakultetin tonë dhe për studentët, profesorët dhe komunitetin e arkitekturës në Kosovë. Si pjesë e EAAE, Fakulteti i Arkitekturës tani do të ketë mundësi më të mëdha për:

✅ Bashkëpunim ndërkombëtar me fakultete dhe institucione partnere në të gjithë Evropën;

✅ Pjesëmarrje në projekte dhe kërkime të përbashkëta në fushën e arkitekturës dhe urbanizmit;

✅ Përfshirje në forume dhe konferenca ndërkombëtare që formësojnë të ardhmen e edukimit në arkitekturë.

Ky anëtarësim është një dëshmi e përkushtimit të Fakultetit tonë për të ngritur standardet akademike dhe për të forcuar pozicionin e tij në arenën ndërkombëtare. Një arritje që na motivon të vazhdojmë të përmirësojmë cilësinë e mësimdhënies dhe të kontribuojmë në zhvillimin e disiplinës së arkitekturës.

Për më shumë informata mbi EAAE dhe rëndësinë e këtij rrjeti, vizitoni: www.eaae.eu

Urime të gjithë studentëve, stafit akademik dhe bashkëpunëtorëve të Fakultetit të Arkitekturës! Kjo është një fitore për të gjithë ne!