Me rastin e Ditës së Dizajnit Italian 2023, Ambasada Italiane në Kosovë dhe Universiteti i Prishtinës organizojnë një tryezë bashkëbisedimi me studentë nga Fakulteti i Arkitekturës, Fakulteti i Ndërtimtarisë, si dhe me përfaqësim të profesionistëve të këtyre lëmive. Në bashkëbisedim rreth temës së këtij viti - "Cilësia që ndriçon - Energjia e dizajnit për personat dhe mjedisin" - do të jetë prezente Matilde Cassani, arkitekte, dizajnere dhe profesoreshë në "Akademinë e Re të Arteve të Bukura" (NABA) në Milano, qyteti ku jeton dhe punon, si dhe “Architectural Association School” (AA School) në  Londër.